Pagsirang

Sa kinapuonan kan uniberso,
nagdanay sa kamurawayan
an mga naenot na tawo
na mayong muwang sa kapalibotan.

Mayong pakilabot kun ano
an saindang nahihiling.
Nabuhay sana sinda ta sinda nabubuhay
bako nin huli ta kaipuhan mabuhay.

Hastang uminabot an aldaw
na may nag-abot na halas.
Ipinamidbid kaini an bunga
na minatalubo sana sa tahaw kan kadlagan.

Puon kaidto, nasupog si Adan asin Eba
kan saindang marisa na sinda
daeng kalson; asin naghanap
paagi para matakluban an lawas.

Naglapigot asin hinimo an gabos na paagi
para matahuban an sadiri
asin an mga kasalan dangan kararatan
na saiyang bitbit.

Ngonyan, kadikit na sana an huba -
huba asin silag an pagkatawo.